ارحلي دامك نويتي ترحلين ..واتركيني في معاناة السهر
و اتركيني لليالي والسنين ..
إلي مثلي كم تعود ينتظر
اسمعيني كان ودك تسمعين..
كلمتين في خاطري قبل السفر
حبك بقلبي ترى لو تعرفين ..
باقين وياي لو غبتي دهر
و أذكريني كان قصدك تبعدين ..
و أذكري قلب لبعدك ما صبر
العيون تقول والقلب الحزين..
ما نبى إلا ذكرياتك و الصور
ودعي يا عين دمعك و الحنين..
ما يفيد الدمع ذا حكم القدر
و أصبري وإلي انكتب على الجبين..
لازم نشوفه على مر العمر
كم تمنيتك بحالي تشفقين..
منتظر منك ولو لمحة نظر
ارجعي خلي الليالي تستبين ..
لا تخليني على نار القهر........................................
ليست هناك تعليقات:
إرسال تعليق